Örlygur og Sóley klúbbmeistarar

Örlygur Helgi Grímsson og Sóley Óskarsdóttir

Meistaramót GV fór fram í nýliðinni viku. 70 keppendur voru skráðir til leiks í 16 flokkum, þarf af 11 í meistaraflokki karla og 5 í meistaraflokki kvenna. Veðrið lék við keppendur alla 4 keppnisdagana þó að stundum hafi verið vindasamt.

Örlygur Helgi Grímsson, 15 faldur klúbbmeistari GV hóf mótið best allra og kom í hús á 64 höggum og nýju mótsmeti á fyrsta hring. Lárus Garðar Long hóf mótið einnig vel en hann lék fyrsta hring á 67 höggum. Besta hring á öðrum keppnisdegi átti Sigurbergur Sveinsson er hann lék á 66 höggum. Ölli setti svo í fluggírinn á þriðja keppnisdegi þegar hann fékk 7 fugla og 11 pör og bætti mótsmetið sitt enn á ný með hring upp á 63 högg. Sigurinn var því aldrei í hættu hjá Ölla sem endaði mótið á nýju mótsmeti, 12 undir pari og er hann klúbbmeistari GV í 16. sinn.

Efstu þrjú sætin í meistaraflokki karla voru eftirfarandi:

1. Örlygur Helgi Grímsson, -12 (64, 71, 63, 70)

2. Daníel Ingi Sigurjónsson, -2 (74, 67, 68, 69)

3. Sigurbergur Sveinsson, +2 (70, 66, 72, 72)

Í meistaraflokki kvenna hóf Sóley Óskarsdóttir titilvörn sína af krafti með hring upp á 81 högg. Eftir fyrsta dag var hún með 10 högga forystu yfir Söru Jóhannsdóttur en bætti svo í með tvo hringi upp á 79 högg. Sigríður Lára Garðarsdóttir spilaði einnig gott golf í mótinu og bætti sig dag frá degi. Hún átti besta hring kvenna á lokahringnum á 81 höggi. Sóley er án efa efnilegasti kvenkylfingur sem við höfum átt lengi en hún er nú tvöfaldur klúbbmeistari GV aðeins 16 ára gömul.

Efstu þrjú sætin í meistaraflokki kvenna voru eftirfarandi:

1. Sóley Óskarsdóttir, +49 (81, 79, 79, 90)

2. Sigríður Lára Garðarsdóttir, +69 (94, 88, 86, 81)

3. Katrín Harðardóttir, +84 (94, 88, 86, 81)

Úrslit í öðrum flokkum voru eftirfarandi:

1. flokkur karla

1. Kristgeir Orri Grétarsson, +14

2. Tómas Aron Kjartansson, +19

3. Heimir Halldór Sigurjónsson, +26

1. flokkur kvenna

1. Eva Aðalsteinsdóttir, +98

2. Elsa Valgeirsdóttir, +132

3. Harpa Gísladóttir, +158

   
   

2. flokkur karla

1. Björn Kristjánsson, +47

2. Helgi Bragason, +47

3. Devon Már Griffin, +61

2. flokkur karla

1. Anna Rós Hallgrímsdóttir, 81 punktur

2. Una Þóra Ingimarsdóttir, 64 punktar

3. Laufey Grétarsdóttir, 59 punktar

3. flokkur karla

1. Gunnar Páll Hálfdánsson, +84

2. Tryggvi Kristinn Ólafsson, +93

3. Atli Már Magnússon, +93

4. flokkur karla

1. Aron Gunnar Einarsson, 67 punktar

2. Bjarni Ólafur Marinósson, 67 punktar

3. Friðrik Óskar Egilsson, 56 punktar

50+ karlar

1. Júlíus Hallgrímsson, +3

2. Albert Sævarsson, +31

3. Guðjón Grétarsson, +45

65+ karlar

1. Þórður Halldór Hallgrímsson, +23

2. Sigurjón Pálsson, +42

3. Sigurjón Óskarsson, +49

50+ konur

1. Katrín Harðardóttir, +43

2. Elsa Valgeirsdóttir, +67

3. Harpa Gísladóttir, +82